Стихира в начале утрени, глас 6-й Воскресение Твое, Христе Спасе, ангели поют на небесех,
и нас на земли сподоби чистым сердцем Тебе славити.
Тропарь, глас 5-й Христос воскресе из мертвых,
смертию смерть поправ
и сущим во гробех живот даровав.
Икос Воскресение Христово видевше, поклонимся Святому Господу Иисусу,
Единому Безгрешному, Кресту Твоему поклоняемся, Христе,
и святое Воскресение Твое поем и славим:
Ты бо еси Бог наш, разве Тебе иного не знаем, имя Твое именуем.
Приидите вси вернии, поклонимся святому Христову Воскресению:
се бо прииде Крестом радость всему миру.
Всегда благословяще Господа, поем Воскресение Его:
распятие бо претерпев, смертию смерть разруши.
Таже ипакои, глас 4-й Предварившия утро, яже о Марии, и обретшия камень отвален от гроба,
слышаху от Ангела: во свете присносущнем Сущаго,
с мертвыми что ищете, яко человека?
Видите гробныя пелены. Тецыте и миру проповедите, яко воста Господь,
умертвивый смерть, яко есть Сын Бога, спасающаго род человеческий.
Кондак, глас 8-й Аще и во гроб снизшел еси, Безсмертне, но адову разрушил еси силу
и воскресл еси, яко победитель, Христе Боже,
женам мироносицам вещавый: радуйтеся! и Твоим апостолом мир даруяй,
падшим подаяй воскресение.
Тропарь, глас 8-й Во гробе плотски, во аде же с душею яко Бог, в раи же с разбойником, и
на престоле был еси, Христе, со Отцем и Духом, вся исполняяй Неописанный.
Слава Отцу и Сыну и Святому Духу.
Яко Живоносец, яко рая краснейший, воистину и чертога всякого царскаго
показася светлейший, Христе, гроб Твой, источник нашего воскресения.
И ныне и присно и во веки веков, Аминь.
Вышняго освященное Божественное селение, радуйся:
Тобою бо дадеся радость, Богородице, зовущим:
Благословенна Ты в женах еси, Всенепорочная Владычице.
* * * Епископ Василий (Родзянко)
Слово на Праздник ПАСХИ.
Светлое Христово Воскресение
* * *
И́же во святы́х отца́ на́шего Иоа́нна архиепи́скопа Константинопо́льскаго, Златоу́стаго СЛО́ВО ОГЛАСИ́ТЕЛЬНОЕ во святы́й и светоно́сный день пресла́внаго и спаси́тельнаго ХРИСТА́ БО́ГА НА́ШЕГО ВОСКРЕСЕ́НИЯ
А́ще кто благочести́в и боголюби́в, да наслади́тся сего́ до́браго и све́тлаго торжества́.
А́ще кто раб благоразу́мный, да вни́дет ра́дуяся в ра́дость Го́спода своего́.
А́ще кто потруди́ся постя́ся, да восприи́мет ны́не дина́рий.
А́ще кто от пе́рваго часа́ де́лал есть, да прии́мет днесь пра́ведный долг.
А́ще кто по тре́тием часе́ прии́де, благодаря́ да пра́зднует.
А́ще кто по шесто́м часе́ дости́же, ничто́же да сумни́тся, и́бо ничи́мже оттщетева́ется.
А́ще кто лиши́ся и девя́таго часа́, да присту́пит, ничто́же сумня́ся, ничто́же боя́ся.
А́ще кто то́чию дости́же и во единонадеся́тый час, да не устраши́тся замедле́ния: любочести́в бо Сый Влады́ка, прие́млет после́дняго я́коже и пе́рваго: упокоева́ет в единонадеся́тый час прише́дшаго, я́коже де́лавшаго от пе́рваго часа́.
И после́дняго ми́лует, и пе́рвому угожда́ет, и о́ному дае́т, и сему́ да́рствует, и дела́ прие́млет, и наме́рение целу́ет, и дея́ние почита́ет, и предложе́ние хва́лит.
Те́мже у́бо вни́дите вси в ра́дость Го́спода своего́: и пе́рвии и втори́и, мзду приими́те.
Бога́тии и убо́зии, друг со дру́гом лику́йте.
Возде́ржницы и лени́вии, День почти́те.
Пости́вшиеся и непости́вшиеся, возвесели́теся днесь.
Трапе́за испо́лнена, наслади́теся вси.
Теле́ц упита́нный, никто́же да изы́дет а́лчай: вси наслади́теся пи́ра ве́ры: вси восприими́те бога́тство бла́гости.
Никто́же да рыда́ет убо́жества, яви́ся бо о́бщее Ца́рство.
Никто́же да пла́чет прегреше́ний, проще́ние бо от гро́ба возсия́.
Никто́же да убои́тся сме́рти, свободи́ бо нас Спа́сова смерть.
Угаси́ ю́, И́же от нея́ держи́мый.
Плени́ а́да, Соше́дый во ад.
Огорчи́ его́ вкуси́вша пло́ти Его́.
И сие́ предприе́мый Иса́иа возопи́: ад, глаго́лет, огорчи́ся, срет Тя до́ле.
Огорчи́ся, и́бо упраздни́ся.
Огорчи́ся, и́бо пору́ган бысть.
Огорчи́ся, и́бо умертви́ся.
Огорчи́ся, и́бо низложи́ся.
Огорчи́ся, и́бо связа́ся.
Прия́т те́ло, и Бо́гу прирази́ся.
Прия́т зе́млю, и сре́те не́бо.
Прия́т е́же ви́дяше, и впаде́ во е́же не ви́дяше.
Где твое́, сме́рте, жа́ло? Где твоя́, а́де, побе́да?
Воскре́се Христо́с, и ты низве́рглся еси́.
Воскре́се Христо́с, и падо́ша де́мони.
Воскре́се Христо́с, и ра́дуются А́нгели.
Воскре́се Христо́с, и жизнь жи́тельствует.
Воскре́се Христо́с, и ме́ртвый ни еди́н во гро́бе: Христо́с бо воста́в от ме́ртвых, нача́ток усо́пших бысть.
Тому́ сла́ва и держа́ва, во ве́ки веко́в. Ами́нь.
* * *
ВОСКРЕСЕНИЯ ДЕНЬ Песнопения хора братии Валаамского монастыря
Боже, ущедри ны и благослови ны...
Да воскреснет Бог...
Плотию уснув, яко мертв, Царю и Господи...
Еже прежде солнца Солнце...
Предварившия утро...
Аще и во гроб снизшел еси, Безсмертне...
На Божественней стражи...
Отроки от пещи избавивый...
Пасхальные антифоны
Приидите, пиво пием новое...
Сей нареченный и святый день...
Снисшел еси в преисподняя земли...
Стихира крестного хода
Стихиры Пасхи
Тело Христово приимите...
Тропарь свт.Иоанну Златоусту...
Утреннюем утреннюю глубоко...
Величит душа моя...
Воскресения день...
Воскресение Христово видевше...
Воскрес Иисус от гроба...
