Епископ Василий (Родзянко). Слово на Праздник
Входа Господня в Иерусалим
Тропарь, глас 1-й
О́бщее воскресе́ние пре́жде Твоея́ стра́сти уверя́я, из ме́ртвых воздви́гл еси́ Ла́заря, Христе́ Бо́же, те́мже и мы, я́ко о́троцы побе́ды зна́мения нося́ще, Тебе́ победи́телю сме́рти вопие́м: оса́нна в вы́шних, Благослове́н Гряды́й во и́мя Госпо́дне.
Тропарь, глас 4-й
Спогре́бшеся Тебе́ креще́нием, Христе́ Бо́же наш, безсме́ртныя жи́зни сподо́бихомся воскресе́нием Твои́м, и воспева́юще зове́м: оса́нна в вы́шних, Благослове́н Гряды́й во и́мя Госпо́дне.
Кондак, глас 6-й
На престо́ле на небеси́, на жребя́ти на земли́ носи́мый, Христе́ Бо́же, а́нгелов хвале́ние и дете́й воспева́ние прия́л еси́, зову́щих Ти: Благослове́н еси́, гряды́й Ада́ма воззва́ти.
Величание
Велича́ем Тя, Живода́вче Христе́, оса́нна в вы́шних, и мы Тебе́ вопие́м: Благослове́н Гряды́й во и́мя Госпо́дне.
